કાં પ્રેમ કર કાં નફરત કર

એક છોકરા અને છોકરી ની આ વાત છે. બંને સાથે સ્ટડી કરતાં હતાં. એકબીજા પ્રત્યે ઉમદા લાગણી હતી. છોકરા ને એક વખત એવી ખબર પડી કે તેની ફ્રેંડ બીજા કોઈ ને પ્રેમ કરી છે. આ વાત થી છોકરો છંછેડાયો.ધીમે ધીમે બંને વચ્ચે ડિસ્ટન્સ વધતું ગયું. છોકરો તેની ફ્રેંડ ની પીઠ પાછળ એની બુરાઈ કરતો. સાથે હોય ત્યારે વળી સારી રીતે રેહતો. એક વખત છોકરી એ ચોખ્ખું પૂછી લીધું કે તને પ્રોબ્લેમ શું છે ? તું કેમ આવું કરે છે ? યાર, કાં પ્રેમ કર,કાં નફરત કર પણ આવું ન કર ! જે કેહવુ હોય એ મને કહે ને ! દોસ્તી માં એટલો અધિકાર તો છે જ. દોસ્તી ન ગમતી હોય તો ના પાડી દે, પણ આમ બંને તરફ થી રમત ન રમ. બીજું કોઈ મારા વિશે કંઇ ઘસાતું બોલ્યું હોત તો હું પરવા ન કરત, એની પાસેથી તો કોઈ અપેક્ષા જ ન હોય, પણ તારી પાસે એટલી તો અપેક્ષા છે જ કે જે સંબંધ રાખ એ પૂરેપૂરો રાખ. આધા અધૂરા નહીં, પૂરેપૂરા મધુરા !

સોશિયલ મીડિયા ઉપર કંઈક અપલોડ કર્યા પછી સેંકડો લાઇક્સ મળે, પણ જેની અપેક્ષા હોય એની લાઈક ન મળે ત્યારે થોડોક ખાલીપો અનુભવાતો હોય છે. હજારો લોકો અભિનંદન આપતા હોય અને એક વ્યક્તિ ન હોય ત્યારે કંઈક ખૂટતું લાગે છે. તાળીઓ પડતી હોય ત્યારે તેનો ધ્વનિ કાન ને સ્પર્શતો હોય છે. પણ થોડીક તાળી સીધેસીધી  દિલ ને સ્પર્શતી હોય છે.